Nashti te iris amen palpale kaj amari buki sar samas sikavde palal o raporto palal e Roma kerdo katar o Hammarberg

Strasbourg, 28to Februaro 2012: O Evropako Romengo thaj Phirutnengo Forumo (ERTF) del mishtimos vash o raporto dino avri katar o Komisaro pe Manushikane Chachipena, o Thomas Hammarberg.

O Raj Hammarberg sas les but zor thaj dedikacja te asterel te kerel o raporto vash savore te drabaren kodo so e Roma thaj e Phirutne dzangle desh bershenca maj angle – so o sistemo palal o samudaripen e Romengo andar i Evropa malavel ande savore aspektura e trajoske thaj meripnaske opral kadaja Evropaki phuv.

So si amari problema akana si i bibaht kaj adzukerel kadava krizako raporto.

E rezultatura palal e Komisarosko raporto sikaven amenge jekh klaro shajutnipen te pageras kompletno e palutne trajosa. Ka mangena akana e governura te keren buki e Romenca, te thon len andre e programura save dikhen karing o progreso thaj te paruven pengo angadzamento pozitivno kashte adzutin savore penge themutnen?

Vaj, o raporto ka purjol e vramasa sar amari lokhori ekonomia, politikane confliktura thaj aver bukja ka roden te len sa i atencia thaj e Evropake sherutne ka irin pen palpale “kaj so kerenas maj anglal sar kana khanchi nas” ande lenge aktivitetura e Romenca?

O semnalo naj si lacho dzi akana soske ni jekh politikano sherutno ni kerdjas jekh publikani deklaracja palal e konkluzie andar o raporto e Komisarosko palal Manushikane Chachipena.

Vi kadja, o ERTF, zorjardo katar o impresivno raporto e Raje Hammarbergeske, ka dzal maj dur te rodel pozitivno buki e autoriteturenca ko nacionalno thaj internacionalno nivelo, vash te lacharel pes i situacia e Romengi palal specifikane bukja:

E Roma thaj e Phirutne trebun te loshan katar kompletno brakhnipen katar i thamin/kriss.

Sako jekh them membro andar o Konsilo e Evropako trebul te keren elaboracja katar zurale thaj lache politike te stopisaren e paramilitaro thaj radikalo grupura kaj daraven o sekuriteto e meste komunitetongo.
Anti-tziganismo thaj provokacia pe rasialo violence thaj lenge protagonistura trebul te aven krisisarde sar trebul katar i kris.

Si o ladzav e Evropako so e Roma thaj e Phirutne adzukeren inke kadala bazichno chachipena and-e dujto dekada e 21-teske shelibersheske.

O Komisaro palal e Manushikane Chacipena shudjas jekh glonco karing e 47 thema membrura andar o Konsilo e Evropako.

Sako jekh trebul akana te kerel akcja gridzasa palal e konkluzie andar o raporto e Hammarbergeske. Jekh greska te keras kodo avela vi biresponsabilo thaj vi bimanushikanes.

* * *

O Evropako Romengo thaj Phirutnengo Forumo (ERTF), saves si les jekh parteneriato e Konsilosa e Evropako thaj jekh specialno statuso kadalesa, si e Evropako maj bari thaj maj inklusivno organizacia. Kidel e Evropake majbare organizacie thaj maj but de sar 1,500 Romane thaj Phirutnenge organizacie andar pashe savore thema membrura ando Konsilo e Evropako.

Kana trebul tumen majbut infomracii kheren kontakto le Sekretariatosa

Telephone: +33 3 90 21 53 50

Email: info@ertf.org

——-

The SECRETARIAT | European Roma and Travellers Forum | 1 quai Jacoutot | c/o Conseil de l’Europe | AGORA Building |67075 Strasbourg | France |
Telephone: + 33 (0)3 90 21 53 50 | Fax: + 33 (0)3 9o 21 56 58 | email: info@ertf.org | www.ertf.org |